ဂျုံမှုန့်များ ကွဲပြားရခြင်း...

 ဂျုံမှုန့်များကတူသလိုရှိသလိုလည်း Protein ပါဝင်မှုအနည်းအများပေါ်မူတည်ပြီးကွဲပြားကြတယ်နော်

Bread Flour

ပေါင်မုန့်ဂျုံမှာ Protein အများဆုံး (14%) အထိပါဝင်ပါတယ်။ဂျုံစေ့အမာထဲကထုတ်တဲ့အတွက် Gluten ပိုများပါတယ် Yeast(တစေး)ဖြင့်ပေါင်းစပ်ပြီးမုန့်ဖုတ်ရသည်။

ပေါင်မုန့်၊ ပီဇာ များမှာအသုံးပြုသည်။

~~~~~~~~~~~~~~~~~

All-purpose Flour

ဂျုံအမာ၊ ဂျုံအပျော့ နှစ်မျိုးစလုံးပေါင်းစပ်ထားပြီး ပရိုတင်းပါဝင်မှု (12%) အထိပါဝင်ပါသည်။

ပေါင်မုန့်၊ ပေါက်စီ၊ ကွတ်ကီး၊ ပန်ကိတ်၊ Waffle ၊ အီကြာကွေး စသဖြင့်မုန့်မျိုးစုံမှာအသုံးပြုနိုင်သည်။

~~~~~~~~~~~~~~~~~

Cake Flour

ဂျုံမှုန့်အားလုံးတွင်ကိတ်ဂျုံသည် ပရိုတင်း ပါဝင်မှုအနည်းဆုံး ဖြစ်သည်။ Protein ပါဝင်မှု (5%-8%)အထိပါဝင်သည်။ကိတ်မုန့်ပြုလုပ်ရာတွင် ကိတ်ဂျုံသုံးခြင်းအားဖြင့် နူးညံ့ပျော့ပျောင်းတဲ့ကိတ်တစ်လုံးရရှိမှာဖြစ်ပါတယ်

~~~~~~~~~~~~~~~~~

Pastry Flour

Pastry ဂျုံ ကအလယ်အလတ်ဂျုံအမျိုးအစားဖြစ်သည်။ ပရိုတင်းပါဝင်မှု (8%-9%) အထိပါဝင်ပါသည်။

ဘီစကွတ်၊ ကွတ်ကီး၊ Puff Pastry, Pie crusts,Tart မုန့်များတွင်အသုံးပြုနိုင်သည်။

~~~~~~~~~~~~~~~~~

Whole Meal Flour

ပေါင်မုန့်ဂျုံထက် ဂျုံသားပိုကြမ်းပါတယ်။ ဂျုံစေ့တစ်ခုလုံးနဲ့ ဂျုံအခွံအဖတ်တွေဖြစ်တဲ့ ဖွဲနုလိုအဖတ်တွေပါဝင်ပါတယ်။ Whole meal ဂျုံကို ပေါင်မုန့်လုပ်တာနဲ့အခြားမုန့်တွေမှာအသုံးပြုနိုင်ပါတယ်။ အခြားဂျုံနှင့်ရောစပ်ပြီးအသုံးပြုနိုင်ပါသည်။

~~~~~~~~~~~~~~~~~

Rye Flour

Rye Flour ကဂျုံအကြမ်းတစ်မျိုးဖြစ်ပါတယ် ။ပေါင်မုန့်လုပ်တဲ့အခါ Rye ဂျုံချည်းပဲသုံးရင် မုန့်သားအနည်းငယ်ကျစ်ပြီးလေးပါတယ်။ပေါင်မုန့်ဂျုံထက် အရောင်နည်းနည်းမီးခိုးရောင်သန်းပါတယ်။ Light Rye,Dark Rye ဖြင့်လာပြီး Dark Rye ကအမည်းဆုံးဂျုံဖြစ်ပါသည်။

ပေါင်မုန့်နှင့်ကွတ်ကီးများအတွက်အသုံးပြုနိုင်ပါသည်